xadesolidariedade

PACIÉNCIA NESTA GREVE ou as misérias da clase meia

2011-01-26T01:48:00.005+01:00

Hoje fum de reparto informativo pola greve geral do 27. Ali estavamos outra volta frente aos de sempre e frente aos pragmáticos, frente aos cínicos e aos conformistas. Dá corage aturar a issas dependentas tam refráctárias ... até que tenham que vir pola porta do sindicato trás um despedimento. A clase meia e as suas cómodas excusas que rematam em complicidade com a injustiça. Sempre se pode fazer algo: manifestaçom, greve, piquetes a qualquer hora, repartos de propaganda ou simplesmente manter a opinióm e debates frente aos retrógrados/as.
Se Amancio Ortega tem 24.000 milhons de dólares, M. Jove 3.400 e Fdz. Sousa 230 milhons, e ainda há por aqui 12.103 tipos/as que ganham mais de 70.000 € anuais isso há que celebrá-lo como imbéciles, mais se lembramos que a nossa meia salarial está em 17.000 € ou tentamos chamar a atençom contra a perda de direitos, a reduçom de salários, a congelaçom das penssonss, os despedimentos baratos, a privatizaçom de serviços: issso nom interessa.
Que país mais bonito e que caralho de gente!
Se alguem quere argumentos de como nos manipula a oligarquia dominante do estado espanhol que lea este artigo de Vicenç Navarro e se mire tamém no espelho de Irlanda: www.galiciacig.com/avantar/opinion/21-1-2011/cara-a-onde-vai-a-socialdemocracia-en-europa

27 de janeiro GREVE GERAL

2011-01-04T23:42:00.006+01:00

Para o 27 temos nova convocatória de greve geral, a CIG já se decidiu agora falta que CCOO e UGT fagam o que tem que fazer um sindicato frente aos recortes laborais do governo de ZP, que já apenas se diferéncia do PP. Agora a ideia é que nom temos para penssons mais há constantes artigos de Vicenç Navarro desmentindo os argumento do PSOE e os seus neoliberais.. Para governar a favor dos bancos e contra a gente era-lhes melhor demitir.

TRAS A GREVE GERAL NOVAS POLÍTICAS

2010-10-01T14:04:00.004+02:00

Logo da importante participaçom do povo trabalhador galego na greve geral do passado 29 de setembro, semelhante à do 2002, desde a CIG instamos ao governo espanhol a que retire as medidas antisociais para facilitar o despedimento e rebaixar os convénios colectivos, e que desista de atacar as pensons. Para sair da crise provocada polos especuladores do tijolo e os bancos devem subir impostos às rendas mais altas, vigiar o estendido fraude fiscal e dinamizar a economia e o emprego com políticas sociais. E senom outra greve já.

SOBRE A GREVE, ESQUIROIS E COMPANHEIROS/AS

2010-09-26T23:59:00.002+02:00

Aos companheiros de xade e à mona que manda

Venho de comentar na rua a greve com duas companheiras e as duas coincidiam em que nom vai ir ninguém, convocada tam tarde nom tem sentido, nom vai cambiar nada, etc. Som muitas as excusas para nom molhar-se mas se nom nos implicamos a choiva vai cair igual: facilitam o despedimento, pagará-no com dinheiro de todos/as, e permitirám á empresa pagar por debaixo do convénio de sector; e depois virám polas pensons.
Meses atrás os governos ocidentais regalárom milheiros de milhóns aos bancos, os causantes da crise, e agora di-nos que os trabalhadores/as temos que apertar-nos mentres as grandes empresas e os bancos volvem ter milhons de benefícios. Esta protesta é para que a crise a paguem eles. Que lhes metam mais impostos e gasto social para melhor repartir a riqueza.
Quizás se sairam futebolistas e cantantes a apoiar a greve seria mais fácil convencer aos companheiros escapistas, mas nom me resisto a dizer que devemos fazer algo: greve, acudir à manifestaçom, participar nos piquetes, seguro que nalgumha destas actividades todos podemos colaborar.
Aos que dim que a greve nom vai cambiar nada só lhes digo que se nom fora polas greves nom teríamos um só direito laboral. E aos amigos e companheiros que me dim que "cada um mire polo seu", que me falam do "direito a trabalhar o 29-S", etc lembro-lhes que o seu direito a ser esquirol é a maneira em que os demais perdemos os nossos direitos.

29-S: GREVE GERAL

2010-09-01T13:16:00.001+02:00

Mais vale tarde que ... Começamos a preparar a greve geral do 29 de setembro.

Verám reivindicativo

2010-08-14T14:47:00.000+02:00

Neste verám pudem assitir às nossas convocatórias políticas. Na primeira com o companheiro Oca no aniversário de Moncho Reboiras, no cemitério de Imo. Na segunda o dia da pátria galega com a danificada Helena e máis Ruth.

CONVÉNIO ASSINADO

2010-07-30T14:58:00.001+02:00

Por fim assinamos o primeiro convénio galego de desportos o dia 29 de julho no Conselho Galego de Relaçons Laborais.
Podedes ver aqui a ACTA de sinatura do convénio.
E neste enlace o texto completo do convénio.
Neste enlace aparece o DOG 181 do 20 de setembro de 2010 no que se publica o 1º Convénio de instalaçons desportivas de Galiza.

DESPEDIDA E ÚLTIMA CONCENTRAÇOM

2010-05-07T00:29:00.002+02:00

Até aqui chegamos: trás mês e meio de protestas e sem apoios entre os companheiros/as e especialmente no servil comité de empresa, tam de empresa e tam pouco de trabalhadores/as, damos por rematada esta luita.
Só com repartos de propaganda, assinaturas e concentraçons diante da empresa nom chegou para que cederam; o bloqueio meiático local e a impossibilidade de realizar parte das acçons previstas nos levárom a valorar que nom tinha sentido abusar da solidariedade dos amig@s quando o pessoal faia e chegamos a um acordo no que a empresa reconheceu o despedimento improcedente.
Agradecemos a ajuda prestada pola CIG-Serviços (os de ensino, a minha federaçom desde há 20 anos, estiverom desaparecidos), Anxo, da Troita Armada, da escola de hostelaria, da Gentalha do Pichel, de local independentista "Henriqueta Outeiro" e muitos amigos/as que estiverom comigo.
Desde esta bitácora seguiremos a informar sobre os detalhes finais da redaçom do convénio galego de desportos.
Video da última concentraçom.

ENTREVISTA EM TELEVISSOM

2010-05-06T19:22:00.004+02:00

Publicamos o enlace para ver a entrevista que realizou a TVG ao socorrista despedido: ENTREVISTA.
Premede no enlace de arriba para vé-la.

CONCENTRAÇOM E ENTREVISTAS

2010-05-05T20:07:00.007+02:00

Informo-vos que manhá teremos outra concentraçom polo despedimento do socorrista assi que os/as que nom assistichedes às anteriores tedes outro passe esta 5ª-f ("xoves") às 20:30 h. diante do Multiusos.
Nas boas notícias informar-vos que rompimos o cerco informativo:
o DIARIO LIBERDADE publica-nos a primeira entrevista.
A TVG colheu-nos declaraçons para Galicia noticias seram e emitiram hoje ás 20 h.
Aos chefes ai-lhes encantar.
Passado manha 6ª-f. teremos o SMAC a primiera hora. continuará ...

NOS MEIOS ALTERNATIVOS

2010-05-04T17:54:00.004+02:00

Hoje saímos na portada da web da CIG, nom foi sem tempo.
Tamém compre salientar a amável resenha de José Constenla no seu blog.
E as primeiras notícias do nosso conflito, umha publicada na web de Primeira linha (suponho que na do BNG nom aparecerei :-),
e a outra na de CIG-servizos.

CAMPANHA DE SINATURAS

2010-04-30T18:41:00.006+02:00

Na tarde do 28 de abril realizamos a 2ª concentraçom de protesta polo despedimento do socorrista de X.A.D.E. . Perto de 30 pessoas recolherom sinaturas e lanzarom consignas contra as condutas antisindicais e pedirom a readmissom. Começamos tamém umha campanha de sinaturas para enviar ao alcalde.
Destacamos aos reincidentes Anjo Regueiro, Manolo Diaz, Paulo "gentalha", Patri, Morais e Aitor Sébio. A vindeira 5ª-f 6 de maio realizaremos umha nova protesta diante do Multiusos, agradecemos asisténcia, ainda que agora a prioridade é asistir á manifestaçom do 1º de maio o sábado ás 12:30 h na Praça Vermelha e logo o jantar na carbalheira de Sam Lourenço. Com a CIG, por suposto.

COMEÇAM AS PROTESTAS

2010-04-26T01:24:00.003+02:00

O 23 de abril á tarde realizou-se a primeira protesta pola readimissom do socorrista despedido em XADE.
Perto de corenta pessoas se concentrarom diante do edificio do Multiusos do Sar berrando proclamas contra a repressom na empresa e pedindo a readmissom do trabalhador represaliado. Tamém se repartirom 600 boletins informativos á gente que acudia ao espectáculo do Circo do Sol.

APOIO NA ASSEMBLEIA

2010-04-21T18:29:00.003+02:00

Na noite da 2ª-f. 19 de abril houve umha assembleia no Multiusos para debater o despedimento do socorrista Francisco Manrique G. R. Foi das mais numerosas. Na porta da instalaçom o gerente (Antón Antelo) e o conselheiro delegado (Santi Cuadrado) impediam a entrada do despedido com dous seguratas contratados para tal efeito. Contam que na reuniom havia muito medo ás represálias e com todo votárom várias propostas de apoio com só 5 abstençons. À manhá seguinte começárom a pressionar companheiros trás o chivatazo dalgum esquirol. Continuará ...

2010-04-19T00:31:00.007+02:00

Solidário artigo do escritor Bieito Iglesias em El Correo Gallego desta 6ª-f. ("venres").

O NADADOR
"O sarau do sábado, no Bernabeu, foi emotivo desde os prolegómenos, pois “merengues” e “polacos” gardaron un minuto de silencio por outros polacos (sen aspas) mortos nun avión sinistrado. Tanto ten finar de accidente aéreo como de accidente cardiovascular pero a sociedade do espectáculo subliña as catástrofes. Os defuntos viñan sendo militares e políticos (co presidente á frente) da elite de Polonia, desta vez a morte apampou o mundo coa espantosa noticia de que tódolos homes son iguais.
Así que rolou a bóla, a atención xa converxiu nos agonistas, nun Real Madrid de nervios abalados, que pretendía furar a rede culé a velocidade de liscánzaro, e nun Barça sabiamente leccionado por Guardiola, que esperou sereno a ocasión de arrebollar a Casillas. Os blaugranas permaneceron azorrados atrás, brincando ao matraquillo ou futbolín, e, cando o rival quedou embazado igual que un paxaro diante dunha cobra, metéronlle un gol que lle sentou ao conxunto branco como un tute no estómago. A vitoria non tivo a lucería da do ano pasado, porén desatou idéntica alegría entre os seareiros do Barcelona: en Santiago e noutras partes, o brillo que faltou no xogo apareceu no ceo en forma de folión con foguetes de sete estalos.
Para min sería a festa completa se non botase a faltar o sábado no Sar ao amigo Paco Manrique, compañeiro e profesor meu de natación ata que o despediu a empresa explotadora das piscinas municipais, en represalia polas folgas que promoveu e as mellorías que conseguiu a prol dos empregados desas instalacións deportivas. Vénme ao acordo aquel filme intitulado O nadador, cun Burt Lancaster empeñado en atravesar unha cidade a nado (de piscina en piscina), procurando quizais a pureza adamita dun Edén no que o bañador substitúe á folla de uveira. Haberá que nadar a repelo da inxustiza.
A loita étnica (simbolizada no fútbol) existe e a loita de clases persiste."

CARTA AOS COMPANHEIR@S DE XADE

2010-04-13T18:29:00.003+02:00

Como sabedes o luns 5 de Abril Santi Cuadrado, Antón Antelo e Xesús Basanta aguardava-me na piscina de Santa Isabel para despedir-me logo de 9 anos de trabalho e luita sindical na empresa. A excusa é do mais retorcido: mala fé com a empresa por trabalhar num restaurante, algo que fai grande parte do pessoal para ir tirando, assi que comigo deve haver outras intençons, que já imaginaredes.
Para explicar este abuso e ver que podemos fazer solicitei ao comité de empresa nos tabuleiros e por mail a convocatória de umha assembleia. Desconheço se vam fazer algo, mais seria umha surpresa. Um companheiro contou-me que os de arriba “nom lhes deixam” fazer a assembleia e eles acatam mansamente, e que “alguém” retirou os meus escritos dos tabuleiros.
Porque passa isto?
É sabido que muitos empresários nom gostam dos direitos laborais, mais quando se exercitam, por exemplo o direito a greve (“folga”) que eu venho de exercer para acadar um novo convénio de instalaçons desportivas, se conseguem melhoras, por exemplo as pagas extras que temos, os contratos indefinidos ou a cobertura salarial completa em caso de baixa, como conseguimos trás as protestas do 2005. Se nom se exercitam os direitos se vam atrofiando, se vam perdendo. Se nom fazemos nada diante de um despedimento injusto, que ocorre? que manhá os abusos se multiplicarám porque a mensagem enviada é clara: o pessoal nom tem coragem nengum e traga todo; e quando te toque a ti, ou a ti, nom terás a que agarrar-te e irás mansamente, e tontamente, ao matadoiro.
Que se pode fazer?
O primeiro é valorar conjuntamente, em assembleia, a situaçom, e ali decidir que podemos fazer, pois a nossa força está na unidade, no grupo, e a dos empresários está na nossa divisom e cobardia.
O habitual em estos casos, e o mais eficaz, é a greve (“folga”), mais seja o que seja que fagamos sempre devemos dar algum tipo de resposta, de protesta, porque senom estaredes todos indefessos a partir de agora. Diante das protestas, eles se justificarám e atacarám, mais isso nom deve retraer-nos.
De esses do comité da ugt nom espero nada: entrárom aí como entrárom e eles saberám para que. Por riba de um comité sem carácter está a vontade da maioria.
Remato fazendo-vos umha singela proposta: colgade esta carta nos três tabuleiros sindicais das instalaçons, a mim nom me deixam entrar, e demostrade que ainda há dignidade.

DESPEDIMENTO REPRESIVO EM SANTIAGO

2010-04-05T22:00:00.006+02:00

Na manhá do 5 de Abril os directivos da empresa XADE, Santiago López Cuadrado e X. Antón Antelo Lema, se personarom na piscina de Santa Isabel para despedir ao socorrista que participou em todo o processo de greve ("folga") polo convénio de instalaçons desportivas. O motivo é tam peregrino como pedir diminuçom de jornada por estudos e trabalhar num restaurante, nada que perjudique á empresa.
Mais parece que nom gostam dos trabalhadores/as que loitam polos seus direitos laborais.
Agora comezarám as mobilizaçons e agarda-se a solidariedade do maior número de gente.
Teremos umha nova ocassom de comprovar para que serve o nosso afoutado comite de empresa.

MANTEMOS O CONCERTO PARA O 20-M

2010-03-09T19:41:00.006+01:00

Mantemos a proposta de concerto solidário para a caixa de resisténcia o vindeiro sábado 20, assi que aquelas pessoas dispostas a colaborar que avisem, que nom sobra gente.

Que bonita image a da acampada, como a que programaramos diante do Multiusos com Oriol e outros bos companheiros/as.

Para ver a última reportage da TVG sobre a greve clika aquí.

TRAS DOUS ANOS DE LUITA: RESULTADOS

2010-03-09T19:22:00.007+01:00

Tras umha dura negociaçom de 7 horas no CGRL, e logo de 47 dias de greve ("folga") desde o ano 2008, conseguimos um acordo de convénio interessante que supera a precariedade na estava este sector: de salários de 800 € passamos a praticamente os 1000 €/mes, reduce-se a jornada a 38 h, eliminam-se os horários irregulares para contratos menores, cubre-se um 85% do salário em situaçom de baixa e todo isto mantendo as condiçons daquelas empresas nas que estavam melhor.

Este acordo tem que ser ratificado e assinado na vindeira 3ª-f 16 de março mais se confirma que quando se luita se conseguem avanços, e que "quem nom se move nom nota as cadeias".

Adicado a todos os lambecús que negavam esta melhora e agora disfrutarám dela: bonito monte de merda!

Mais informaçom em http://www.cigservizos.org/

CHEGAM AS PRIMEIRAS AJUDAS

2010-03-03T20:09:00.003+01:00

Esta manhá no local sindical e A Corunha começamos o reparto de fundos para resistir a greve de instalaçons desportivas. Até o de hoje se arrecadarom 24.000 €, dos que cada trabalhador recebeu 100 € e, segundo vaiamos aumentado os apoios entregaremos mais para poder vencer a estes vampiros. Na comarca de Ferrol arrecadarom-se 2.700 €, na de Pontevedra 3.000 €, em Compostela 1.000 € e na Corunha 4.000 €, e a maiores a CIG aportou a ajuda restante. Em Compostela estamos a estudar a celebraçom dum concerto e de umha ceia, e agradcemos qualquer ideia o colaboraçom.
Por outra banda informamos-vos que na negociaçom celebrada ontem no CGRL a patronal nom se moveu das suas posiçons e nom houvo acordo. Nom querem ceder nas "garantias add personam" dos trabalhadores/as que estám sobre convénio para que paguem eles as melhoras acadadas e tamém pretendem adiar a suba salarial a 1000 €/mes para 2013 e nom para 2012 como pedimos nós.

2010-03-01T01:57:00.002+01:00

Quando se cumpre um mes de luita sindical no sector de desportos imos lanzar umha série de medidas de apoio para dar cobertura aos companheiros/as que este mes nom vam cobrar nem 1 €. A primeira é o bono-ajuda que vedes na foto e que estamos a vender estes dias para nutrir umha caixa de resisténcia com a que dar umha mínima ajuda para manter a greve ("folga") o que faga falta. As seguintes seram umha ceia de apoio e mais um concerto do que já informaremos.

REUNIÓM, PARTIDO e 26 dias de greve

2010-02-25T00:58:00.004+01:00

Mentres continuam as mobilizaçons (manhá 5ª-f. jogaremos um partido de futbol reivindicativo na Praça do Obradoiro ás 12 h e já estamos pensando em quitar um bono-ajuda para apoiar esta luita) a sinuosa patronal Axidega acorda sentar-se a negociar novamente um convénio para as instalaçons desportivas o vindeiro 26 de fevreiro ás 10:30 h no CGRL. A ver se desta sae um convénio justo para o sector; sabemos da ambigüidade desta palavra mais nós bem nos entendemos.

ASSEMBLEIA DESCONCERTANTE EM XADE

2010-02-22T22:27:00.004+01:00

O comité da ugt nos convoca a umha nova assembleia para esta 5ª-f. com a seguinte orde do dia: 1-Acta anterior, 2-Informaçom sobre a assembleia anterior, 3-Informaçom sobre a luita do convénio autonómico, 4-Rogos e perguntas.
Tem muito aquel esta orde do dia: no 2º apartado nos vam informar do que já debatemos na assembleia anterior e nos lerom no apartado 1º. E como fim de festa no último apartado nos pretendem informar das protestas por um convénio digno de desportos aos que levamos dous anos nesta luita os mesminhos que as boicoteam.
Querido presidente do apático comité de empresa: a que vem toda esta apariçom surrealista? sumate à greve ou deixa de marear. É um rogo para o último ponto.
Entrastes com obscuras manobras e sairedes com esperpénticos espectáculos, todo um currículum.

A PATRONAL DESPREZA A NEGOCIAÇOM

2010-02-22T21:53:00.002+01:00

A organizaçom patronal de desportos, Axidega, nom se apresentou esta 2ª-f. à reunióm celebrada no Conselho Galego de Relaçons Laborais por mediaçom da Junta na que si estivemos os sindicatos, o director geral de trabalho e o presidente do CGRL. Com esta atitude Axidega dá mostra do pessoal que integra tal associaçom e amosa a sua pouca vontade de dignificar as condiçons laborais dos trabalhadores/as das instalaçons desportivas. Mentres persistam nissa atitude a greve e as mobilizaçons continuarám.

TRAS 22 DIAS DE LUITA, A JUNTA ACTUA

2010-02-22T01:13:00.003+01:00

Tras 22 dias de greve consecutiva e protestas sindicais em reivindicaçom de um convénio de desportos justo para os que trabalhamos no sector, a direita governante na Junta de Galiza se implica e cita a umha reunióm a sindicatos e patronal no Conselho Galego de Relaçons Laborais hoje dia 22 às 18:30 h. Volve-se a demostrar que nom há avanços sem luita, e esta leva dous anos.

A POLICIA DESALOXA AOS TRABALHADORES/AS PECHADOS NA JUNTA

2010-02-20T11:07:00.002+01:00

A policia desaloxou a a 6ª-f. às 15 h. ao grupo de trabalhadores/as que se pecharom nas instalaçons da conselharia de trabalho em protesta pola passividade no conflito laboral mentres 200 companheiros seguiam desde fora a protesta. Os trabalhadores criticarom a falta de compromisso da Junta e anunciarom assembleias este sábado em Corunha, Pontevedra e Lugo para programar novas acçons. A greve continua.

XADE SE SUMA AS PROTESTAS

2010-02-10T19:35:00.003+01:00

No noveno dia de greve tivemos manifestaçom nacional em Santiago reivindicando um convénio justo de desportes e, por fim, os/as de XADE estivemos alí. Umha resposta digna e solidária frente á mezquindade e a cobardia.

MANIFESTAÇOM EM COMPOSTELA O DIA 9

2010-02-06T02:33:00.004+01:00

Hoje acordou-se em assembleia provincial de trabalhadores/as fazer manifestaçom em Compostela a vindeira 3ª feira ("martes") ás 12 h.

Máis informaçom em http://www.cigservizos.org/

ASSEMBLEIA EM SANTIAGO

2010-02-06T02:12:00.004+01:00

Finalmente o comité de empresa de X.A.D.E., tras as pressons dos trabalhadores/as, decidiu-se a convocar umha assembleia para tratar a greve que em todo o país está a levar o pessoal das instalaçons desportivas. A juntança será o vindeiro luns ás 22:30 h no Multiusos do Sar. Frente ás intoxicaçons aparecidas na Voz de Galicia informamos que a greve segue para adiante e os sindicatos, quando menos á CIG, nom estamos desconvocando senom alentando esta loita até que se consiga um convénio justo de desportos.
Precisamente este venres celebrou-se umha manifestaçom polas ruas de Bertaminráns com os trabalhadores/as da piscina.

COMEÇA A GREVE INDEFINIDA

2010-02-01T19:27:00.004+01:00

As assembleias de trabalhadores/as desportivos de Galiza declarárom greve ("folga") indefinida e rejeitárom o pre-acordo que oferecia a passada semana a patronal, tendo como principais obstáculos os seguintes:

- Pretendiam prolongar a vigência do actual convénio até 2013.

- Limitavam a reduçom de jornada a 38 h. semanais

- Limitavam a subida salarial a 999 € na categoria mail alta.

- Nom assumiam a situaçom dos trabalhadores/as que hoje tenhem melhor convénio, de jeito que paguem eles as melhoras que reclamam os seus companheiros/as e nom as empresas.

A resposta da patronal véu de imediato suspendendo a reuniom prevista para esta tarde no CGRL. Igualmente em diversas instalaçons estám pressionando aos trabalhadores que vam á greve e mesmo tenhem expulsado das instalaçons a usuários que os apoiam.

VALEM OS ACORDOS DO COMITÉ DE X.A.D.E.?

2010-02-01T00:53:00.001+01:00

No outono passado colhia força a greve ("folga") de instalaçons desportivas de Galiza por um convénio justo. Nessa altura o comité de XADE assinava com a direcçom um remexido de 14 apartados, quase todos já vigentes na empresa, que no ultimo indicava aos socorristas a necessidade de realizar anualmente um curso de reciclágem bonificado pola empresa.
Há umhas semanas se informava ao pessoal dum curso de reciclágem obrigatório para os socorristas. Um afiliado da CIG solicita que o relevem no seu horários para poder asistir a dito curso. Dias depois o curso já nom é obrigatório, o socorrista nom é relevado no seu posto e já nom pode assistir.
Atençom pergunta!!!:
-Valem para algo os acordos que assina o comité de empresa (ugt) de XADE?
-Vale para algo um comité de empresa assi?
-Terá este comité a dignidade de convocar umha assembleia para debater a greve que leva vários meses em todo o país?
... continuará.

Aviso aos companheir@s

2010-01-20T18:51:00.003+01:00

Queridos companheiros de empresa, singularmente aos afoutados loitadores do comité, simplesmente lembrar-vos que levamos vários meses com greves ("folgas") intermitentes em numerosas instalaçóns desportivas do país para acadar um convénio justo e, sem ánimo de indigestar a cobardia dos que nom se dam por enterado, só queria lembrar-vos que os avances frente ao poder requirem um esforço, como fixemos em xade no 2005.
E informar-vos que esta 6ªf. ás 11h. haverá umha assembleia para delegados nos locais da ugt em Sam Lázaro.

A PATRONAL ESTUDARÁ A PROPOSTA SINDICAL

2010-01-17T21:21:00.002+01:00

A patronal de desportos AXIDEGA, comprometeu-se na última reunióm celebrada o 14 de janeiro no Conselho Galego de Relacçons Laborais a estudar a proposta sindical, a cámbio os sindicatos retirarom a greve do dia 20 ainda que se mantém a convocatória de greve indefinida a partir de fevreiro. A vindeira negociaçom será o 20-jan. Este domingo houvo diversas mobilizaçons por todo o país destacando umha marcha pola Corunha e umha concentraçom diante do concelho de Ferrol.

PROPOSTA SINDICAL

-Salário Base: 1000 €/mes

-Jornada: limitar a distribuiçom irregular para contratos inferiores a 3o h.

-Jornada semanal: 39 h. no 2010, 38 h. no 2011, 37 h. no 2012.

-IT: 100 %

UMHA MANIFESTAÇOM PECHA AS JORNADAS DE GREVE DESPORTIVA

2009-12-23T09:42:00.003+01:00

Continuarám com as mobilizaçons no mes de janeiro e se nom há acordo, convocarám greve indefinida a partir do 1 de fevreiro.
Mais informaçom em: http://www.galizacig.com/avantar/novas/23-12-2009/rematan-as-catro-xornadas-de-folga-nas-instalacions-deportivas-de-galiza-cunha-mani

Sindicatos e trabalhadores/as acussam à patronal de desportos e á Xunta

2009-12-20T21:18:00.003+01:00

Esta fim de semana volverom-se repetir paros e concentraçons por toda Galiza em demanda de um convénio digno para o sector de desportos. Desde CIG-Serviços reclama-se á patronal que apresente umha proposta séria e criticou-se a atitude da FEGAMP desentendendo-se do problema. Tamém se criticou a atitude escapista da Junta de Galiza diante dum problema que afecta a moitos/as desportistas. A 3ª feira celebrará-se umha manifestaçom em Compostela

Continua a greve polo inmobilismo da patronal de Desportos

2009-12-14T18:54:00.002+01:00

Os sindicatos presentes na mesa de negociaçom do convénio galego de instalaçons desportivas (CIG, UGT e CC.OO) acusam à patronal de irresponsável ao nom ter-se movido praticamente nada das súas posturas, malia o éxito das tres jornadas de greve de novembro. Oferta agora uns salários inferiores aos do 2003, quando aínda estava vigente o anterior convénio: salario base de 700 euros que, sumadas ao 2´3% para 2010 e do 3´3% para o 2011, resultariam 800 euros dentro de dous anos.
Os trabalhadores e as trabalhadoras respostarám logicamente com um novo calendário de paros em dezembro e em janeiro que afectará a 100.000 usuários/as em todo o País e a umhas 150 instalaçons desportivas.
Mentres os trabalhadores destas instalaçons continuam as protestas em reivindicaçom de um convénio de ámbito galego a Junta de Galiza ignora estas mobilizaçons.

Mais informaçom em: http://www.galizacig.com/avantar/novas/11-12-2009/o-inmobilismo-da-patronal-de-deportes-vai-deixar-sen-servizo-a-mais-de-100000-usuar

EXITO NO 3º DIA DE GREVE NAS INSTALAÇONS DESPORTIVAS DE GALIZA

2009-12-02T01:19:00.003+01:00

A maioria dos centros desportivos de Galiza pecharom portas no 3º dia de greve. A vindeira 4ª-f. haverá assembleia nos locais sindicais de Compostela para avaliar os paros e acçons a seguir. Em Xade o comité de empresa segue ignorando as mobilizaçons e negando-se a debater o tema numha assembleia.

Mais informaçom em: www.conveniodeportes.blogspot.com

SEGUIMENTO MAIORITÁRIO NA 1ª JORNADA DE GREVE NAS INSTALAÇONS DESPORTIVAS

2009-11-26T18:07:00.002+01:00

A maioria dos trabalhadores/as das instalaçons desportivas da Galiza secundárom a primeira das três jornadas de greve convocadas no sector em demanda de um convénio digno.
Durante o dia de hoje tamém se levárom a diante concentraçons do pessoal em distintas cidades para dar assi mais visibilidade ao conflito. Os paros repetiram-se este sábado 28 e a 2ª f. (“luns”) 30.
Mágoa o de Santiago, logo de levar a iniciativa no 2005 que pouca dignidade agora.
http://www.conveniodeportes.blogspot.com/

REFLEXONS SOBRE AS GREVES E OS COMITÉS DE EMPRESA

2009-11-24T20:56:00.003+01:00

Estes dias falavam uns amigos das reacçons da gente diante das greves (“folgas”) e se formulavam algumhas questons como estas:
1- Que se pode dizer de um comité de empresa que nom reune aos trabalhadores/as para debater os motivos de umha greve?
2- Tem sentido ser representante sindical e nom preocupar-se das acçons para melhorar a situaçom laboral de todos os trabalhadores/as do sector?
3- Conseguir um bom convénio em toda Galiza é um avanço para todos, para um mesmo e para os companheiros/as de outras empresas semelhantes; é um acto de justiça e de solidariedade. Pode isto molestar a um delegado/a sindical que nom seja um vendido?
4- Quando um representante dos trabalhadores nom fai nada em casos como os mencionados, nom é melhor demitir e deixar passo a quem assuma a parte incómoda de representar trabalhadores/as.
5- A quem beneficia que fracasse umha greve para melhorar a situaçom dos trabalhadores?
6- A cobardia as vezes guia as condutas da gente e ninguem tem obriga de fazer esforços que nom assume, mais tampouco está obrigado a vender-se a interesses alheos aos dos trabalhadores que tem que defender. Para que respeitem os teus direitos laborais há alguns instrumentos básicos: unidade, mobilizaçom e honestidade.
Estas cousas passam algumhas vezes nas empresas ainda que nom som irremediáveis.

GREVE o 26, 28 e 30 de Novembro nas instalaçons desportivas de Galiza

2009-11-17T19:06:00.005+01:00

Arredor de 2.500 trabalhadores/as de mais de 150 piscinas, instalaçons e clubes desportivos de Galiza estám chamados á greve ("folga") em demanda da negociaçom do convénio colectivo. A greve afectará a mais de 100.000 usuários de mais de 100 concelhos galegos e mesmo a todas as competiçons desportivas, desde alevíns até profissionais de todo tipo de desportos, segundo informárom em rolda de prensa os convocantes, as federaçons de Serviços da CIG, CCOO e UGT.
Reivindicam-se quatro aspectos fundamentais: o estabelecimento de um convénio que cubra a todo o sector; a modificaçom das condiçons das Incapacidades Temporais, a jornada laboral (para que se ajuste a jornada real á jornada reflectida nos contratos) e a tábua salarial. Com estas demandas pretendemos superar a precaridade laboral que caracteriza o sector trás três anos de mobilizaçons.
Como sabedes em Xade começamos antes, no 2004, e conseguimos algumhas destas melhoras graças aos que dérom a cara daquela, nom aos que estám agora, que vivem das rendas do passado ... e das esmolas do seu amo.
Ánimo e á greve!

ASSEMBLEIA NACIONAL EM COMPOSTELA

2009-11-06T19:09:00.004+01:00

A vindeira 4ª-f. (mércores) 11 de novembro realizaremos umha assembleia do todo o sector de desportos de Galiza para acordar medidas frente á ridícula resposta da patronal a semana passada.
Será em Sam Lázaro ás 11 h. nos locais dissa sigla conhecida em xade é polo seu "activismo" sindical, a ver se por ai adiante tenhem algo mais normal.

ASSEMBLEIA DECISIVA e canha!

2009-10-26T20:33:00.002+01:00

Como sabedes, levamos vários meses negociando o convénio colectivo Galego de desportos. Depois de várias juntanzas, o 22 de outubro, a parte empresarial apresentou umha oferta que foi contestada por nós com umha contraoferta.

Ao nom existir acordo entre as partes, as tres Centrais Sindicais ( CIG, CCOO e UGT ) decidimos convocar-vos a umha Assembleia Geral de Trabalhadores/as de todo o sector de desportos de Galiza, onde a vossa participación vai ser fundamental e se vam decidir os passos a dar nas vindeiras juntanzas. A nossa assembleia será o 2 de novembro (2ª-f.) ás 23 30 h no salóm de actos do edifizo de sindicatos. Avd Alfonso Molina s/n. (A Coruña)

Lembrade que estamos na fase decisiva para conquerir de vez um convénio digno para o nosso sector e agora há que dar canha. Un saúdo e ánimo para todos.

comeza bem o curso !

2009-10-22T10:23:00.009+02:00

Logo dumha importante temporada desaparecido, o Comité de Empresa dá sinais de vida para anunciar-nos umha assembleia. A assembleia volve a ser programada ao meio dia, issa hora na que alguns acomodados companheiros saem da piscina e quadrá-lhes moi bem mentres que à maioria do pessoal vai-lhes como o caralho.
E tanto tem que se solicitem a vários membros disse passivo comité debates concretos: eles inclúem os debates que querem e excluem, outravolta, os que nom interessa da orde do dia. Por exemplo: OS HORÁRIOS
Mais compre plantejar porque alguns sacrificados membros do comité mantenhem os "duros horários" de primeira hora por anos consecutivos mentres outros nunca tivemos dous anos seguidos o mesmo horário, soportamos evidentes discriminaçons, e mesmo tivemos que denunciar à direcçom para recuperar os nossos direitos. . Poderiam explicar-nos estos "aguerridos sindicalistas da UGT" porqué mantenhem por anos consecutivos PRIVILEGIÁDOS horários de manhá?
Aínda que pola sua decissom eu nom poderei assistir agardo que respondam na assembleia para conhecimento de todos/as.
E pedindo explicaçons compre perguntar-lhes que fixerom durante estos meses polos companheiros/as que nom renovarom contrato tras o verám? Ou polos problemas que houvo na piscina de verám, ou em accesos, ou em todos os sectores exceito o seu.
Quando os que devem defender aos trabalhadores nom se esforçam polos direitos dos demais e se aproveitam de privilégios que o resto do pessoal nom pode disfrutar, com estas atitudes sindicais, rematamos na INDEFENSSOM DOS TRABALHADORES/AS. E é bem triste que esto chegue a ocorrer numha empresa que no ano 2005 loitou polos seus direitos e conseguiu melhorá-los notoriamente.
Esto é o que ocorre quando se otorga a representaçom aos que entendem o labor sindical como "esmola" e "desculpe patrón”; e a responsabilidade se extende tamém a quem os apoia.
Nom mobilizam nem loitam em sério por nada nem por ninguem, e as esmolas que conseguem se devem ás loitas do passado e o medos de arriba a que se repitam.
Na auséncia de acçom sindical por parte destes senhores da ugt em xade informamos-vos que na web de CIG-Serviços (http://www.cigservizos.org/ ) ou em Convénio Desportes (http://www.conveniodeportes.blogspot.com/ ) explicamos como se está a levar a loita polo CONVÉNIO DE DESPORTOS da província.

GUERRA DE BAIXA INTENSIDADE

2009-07-09T11:22:00.003+02:00

O ultimo dia da temporada (30-6-09), antes de marchar a trabalhar 3 meses a um restaurante de Vilagarcia, o socorrista Francisco Manrique G.R. recebeu um apercebemento por um boletim sindical que apareceu “em Outubro do ano passado!” . Nesse boletim se criticava a atitude contemporizadora dos membros do comité de empresa da UGT. Parece que os mais ofendidos fôrom os da direcçom e quigérom aperceber a este membro da CIG na empresa. Estranha sensibilidade esta dos empresários cara o debate sindical. Será que continúa a guerra de baixa intensidade?

A UM COMITÉ E À SUA DIRECÇOM

2009-06-07T12:41:00.001+02:00

Logo de “ler” a assembleia da minha empresa, pois nom se me permitiu assistir por virtude do Comité da UGT, nom deixo de surpreender-me. Di certo indivíduo que tenho que pedir permisso á direcçom para assistir á assembleia: nom, hominho, nom. Ir á assembleia é o meu direito, assi que ou as ponhedes fora de horário laboral, ou fazedes duas quendas, ou NOS GARANTIDES ISSE DIREITO POR ESCRITO. Os trabalhadores/as nom temos que pedir permisso para assistir às assembleias, faltaria mais. É funçom vossa garantir num acordo escrito que só com NOTIFICAR a intençom de asisstir podamos fazé-lo, responsabilizando-se a empresa de enviar um substituto ao nosso posto de trabalho. Os trabalhadores nom temos que mendigar em nengum despacho um direito que já nos pertence pola legislaçom laboral.
Lendo os hipotéticos acordos que apresentam vê-se ás claras o papel do Comité: incapazes de tomar a iniciativa, bailam ao som que lhes marcam de arriba. Como se pode admitir passar de 39 a 38 h. semanais? Ou chamar-lhe subida de soldo dos SOS a um curso anual retribuído? Quem pode aceitar esmolas de tam pouca dignidade? Pois dous socorristas, o presidente do Comité e um seu amigo. Menos mal que houvo companheiros atentos e de 14 só votárom 5 a favor, suponho que do Comité da UGT.
Mais alguns som insaciáveis e aínda se inquietam por “se renovarán a non agresión dos traballadores á empresa”. Esto que caralho é? De quem partem e partírom as agressons? Acaso loitar polos direitos laborais é ilegítimo? Quando agredírom estes da UGT aos seus superiores?. O mundo ao revés.
Qual é a funçom dos representantes sindicais? A resposta temo-la no ponto 3, quando Nacho informa dos gastos que supujo para a empresa … A que andas, home de Deus? Como pode um representante sindical fazer de portavoz dos “durísimos” esforços da direcçom? A este passo chegarás a coordenador. Mirade para a loita dos trabalhadores do metal em Vigo (http://www.galizacig.com/avantar/taxonomy/term/708), a ver se aprendedes algo.
Logo destas condutas exemplares, de lobos coidando cordeiros, me pergunto para que usam estes senhores as 15 h. sindicais que tenhem cada mês, ou para que se apropriárom do 100 % da representaçom co 66% dos votos. Em fim, para que estám aí.

POLO CONVÉNIO GALEGO

2009-05-17T19:27:00.001+02:00

A patronal corunhesa de deportes solicitou este 12 de maio debater um convénio de ámbito galego. O presidente do Conselho Galego de Relaçons Laborais citou aos empresários e sindicatos o vindeiro 19 de maio para debater este asunto na sede do CGRL.

COMPARAR O NOVO CONVÉNIO

2008-03-27T14:45:00.004+01:00

Vista a confusom gerada na passada assembleia o 11 de março compre fazer várias aclaraçons. O Comité de Empresa deixou umha sensaçom negativa do novo convénio que intentamos negociar os sindicatos com a patronal de deportes. Sem embargo qualquer comparaçom evidência as vantages desta proposta.
Além disto, mentres em XADE sega havendo salários baixos, pressons e jornadas amplas é justo loitar por melhorar.
NOVO CONVÉNIO PROPOSTO frente XADE
Salário: 19.000 € brutos/ano (aproximadamente) / XADE: 13.000 ou 14.000 €
Subrrogaçom: para todos os trabalhadores com 100 dias na empresa / XADE: nom existe
Preparaçom de Aulas: 33 % da jornada / XADE: 0 % da jornada
Jornada: 36 h/semana / XADE: 39 e 34 h/semana
Indefinidos: 70 % / XADE: 75 %
Descanso semanal: 2 dias seguidos / XADE: 1´5 dia/semana
Excedências: só mínimo legal / XADE: : 2 meses
Permisos: 16 d. por casar, 3 d. por cámbio domicilio, etc. / XADE: mínimo legal
Dias assuntos próprios: 2 / XADE: Ø monitores, 4 SOS
Cobertura salarial das baixas: 100 % / XADE: 100 %
Horas extraordinárias: +75% do salário/hora e 1´5 horas de descanso. / XADE: a 8 ou 10 €

SUSPENDE-SE A 2ª JORNADA DE GREVE

2008-03-08T13:02:00.004+01:00

O pessoal das instalaçom desportivas decidiu em assembleia suspender a jornada de greve programada para o 8 de março.
A assembleia de trabalhadores/as desportivos decidiu na noite do venres suspender a segunda jornada de greve trás a mediaçom do Conselho Galego de Relaçons Laborais. Numha reunióm cos empresários do sector no CGRL estes aceitarom constituírem-se como asociaçom patronal, requisito indispensável para poder negociar o convénio colectivo com a parte social.
O Conselho assumiu, na mediaçom realizada na manhá do 7 de março, o compromisso de convocar no prazo dun mês a associaçom patronal legalmente constituída para conformar a mesa de negociaçom do convénio do sector. Por tanto, os trabalhadores/as, reunidos en assembleia, decidirom por imensa maioría desconvocar o paro do 8 de março. Porém, advirtem que permanecerám vigiantes para que se cumpran os compromissos, pois o conflito nom fixo máis que começar.

ESQUIROIS NA PISCINA

2008-03-05T23:30:00.004+01:00

Esquirol: Despectivo. "Obreiro que se presta a realizar o traballo abandonado por un folgista." (Diccionário da R. Académia Galega)
Art. 28.2 da Constituiçom de 1978: "Reconhece-se o direito à greve dos trabalhadores para a defesa dos seus interesses."

Hoje foi o primeiro dia da greve (folga) convocada para conseguir um convénio colectivo de deportes que supere a vergonha representada no convénio estatal do sector e assinado por CC.OO. .
O objectivo destas mobilizaçons é fazer destes labores desportivos umha profissom da que se poida viver dignamente e nom um espremedor que se aproveite dos primeiros anos laborais de moços e moças para lucro duns poucos vampiros.
A imagem que vedes foi a resposta da empresa XADE ao exercício do direito de greve do socorrista de Santa Isabel. E sempre pode aparecer um espírito servil que se arrastre a fazer o trabalho suxo dos que mandam.

ASSEMBLEIA NA CORUNHA

2008-03-04T02:16:00.001+01:00

Nunha numerosa asamblea á que asistiron máis de 300 traballadores procedentes de intalacións deportivas de Santiago, Coruña, Ferrol e diversas localidades ratificouse a convocatoria destas dúas xornadas de folga. A asamblea, convocada polos tres sindicatos e celebrada a última hora de onte no local sindical da Coruña manifestou a sua repulsa pola brutal carga policial contra os compañeiros que reivindicaron o novo Convenio de Deportes no partido da selección galega de futbol sala o pasado sábado en Ferrol.
Esta mañán se celebrará unha rolda de prensa conxunta para informar destos asuntos no local sindical da Coruña.

PROTESTA DIANTE DA SELECÇOM DE FUTBOL SALA

2008-03-03T20:13:00.002+01:00

Este venres 29 realizou-se o primeiro acto de protesta contra a precariedade e explotaçom dos trabalhadores de instalaçons desportivas de Galiza reivindicando um convénio justo no partido da selecçom galega de futbol sala. O acto rematou cumha brutal carga policial.
Está prevista umha reunióm de trabalhadores na Corunha a vindeira 2ª feira (luns) 3 às 11 da noite.
Para os dias 5 e 8 de março temos convocada Greve.

POR UM CONVÉNIO GALEGO DE DESPORTOS

2008-03-03T20:10:00.001+01:00

O passado 15 de novembro tivemos a primeira assembleia para conseguir um convénio galego de desportos e espectáculos no local de sindicatos da Corunha. Ali acordamos exigir um convénio que incluira 1.100 € de salário base com diversos complementos, o 70% de indefinidos/as, direito à subrogaçom, destinar o 33% da jornada à preparaçom de aulas, e outras melhoras para superar a explotaçom reflectida no Convénio Estatal de Deportes.
Tras várias reunións, o 14 de fevreiro os empresários do sector incumprirom o acordado previamente com Direcçom Geral de Desportos a respeito de criar umha associaçom empresarial galega desde a que negociar o novo convénio.
Por todo isto começamos as mobilizaçons.

PASSAROM OS TEMPOS DE RESACA

2008-03-03T20:09:00.000+01:00

Depois da luita exitosa do 2005 veu a desmobilizaçom, o vértigo e o adversário foi-nos cercando. Houvo moçons de censura, enganos e umhas eleiçons mesquinhas onde as manobras impedirom que as propostas da CIG, co 34% dos votos, acada-se representaçom no Comité de Empresa. Agora os complices dissa miséria terám que escolher entre o seu servilismo e a dignidade sindical.

ACORDO LABORAL EM XADE TRAS 2 ANOS DE CONFLITO

2005-11-04T03:53:00.001+01:00

A CIG informa que na madrugada de onte chegou-se a um acordo entre os representantes sindicais de XADE e o gerente. Este acordo contou co apoio da maioria dos trabalhadores/as.
Remata assi um conflito laboral que começava em novembro do 2003. Basicamente as melhoras laborais som, com efeitos retroactivos desde o 1 de janeiro de 2005, as seguintes:
- Estabilidade laboral: garante-se um 60 % de contratos estáveis e cria-se umha bolsa de emprego para contratar ao pessoal que perdera o seu posto durante o conflito laboral, sem nengum tipo de vetos ou exclusons.
- Retribuiçons: aumento dos salários um 9 % por riba do IPC até o ano 2009 e umha paga de benefícios de 28.000 € máis IPC anual.
- Cobertura de baixas: pagará-se o 100 % do salário.
- Excedências: concederám-se excedências voluntárias de 2 meses.
- Mantenimento: cobrarám as horas extraordinárias a 8 €
- Roupa desportiva: cheque anual de roupa de 120 €
- Cesse das acçons reivindicativas.
SERVIÇO DE SOCORRISMO
Igualmente o gerente comprometeu-se a retornar a XADE o serviço de socorrismo que fora subrogado. Esta medida conlevava a eliminaçom do delegado sindical da CIG, F.M.G.R., que trabalhava neste sector.

SUSPENDE-SE A PROTESTA DA PRAÇA VERMELHA

2005-11-03T18:11:00.000+01:00

A CIG informa que a concentraçom de apoio que estava convocada para este sábado 5 de novembro na Praça Vermelha as 13 h. queda suspendida tras a assinatura do acordo entre a direcçom da empresa e os delegados/a sindicais.

ELIMINAM AO DELEGADO DA C.I.G.

2005-10-28T18:30:00.000+02:00

A última manobra da direcçom de XADE contra os representantes dos trabalhadores/as foi a de “externalizar”o serviço de socorrismo das piscinas municipais cara outra empresa. Com esta armadilha o delegado da CIG, que trabalha como socorrista, perderá o vindeiro 1 de novembro a sua condiçom de representante laboral ao cambiar de empresa. Nom é dificil albiscar a intençom deste embuste e, tamém, o próximo despedimento.

O JULGAGO Nº2 DÁ A RAZOM AO DELEGADO DA CIG NO JUÍÇO POLOS PANFLETOS

2005-10-26T00:32:00.000+02:00

A CIG informa que o Julgado do Social nº2 de Santiago de Compostela dictou sentença no caso do juízo celebrado a passada 6ª feira 19 contra o representante da CIG em XADE, por repartir panfletos no conflito laboral.
O expediente nº 399/2005 dá a razóm ao representante sindical Francisco Manrique G. R. e anula a sançom que lhe impuxera a empresa polo suposto acto de propaganda.
Todas as sentenças emitidas neste conflito laboral, no que a empresa deixou a 9 trabalhadores/as sem emprego, derom a razóm aos operári@s.

REUNIÓM DE TRABALHADORES

2005-10-21T18:07:00.000+02:00

Na noite do 20 de outubro e tras o despedimento doutro socorrista os trabalhadores convocarom umha reunióm na que recriminarom ao gerente a sua atitude, que reagiu com excusas sem credibilidade tras o noven@ trabalhador ao que deixam sem emprego. Finalmente comprometeu-se a procurar reabrir a mesa de negociaçom

XADE EXTERNALIZARÁ AOS SOCORRISTAS

2005-10-19T21:02:00.000+02:00

Simultaneamente ao despedimento dum socorrista e dentro da vaga repressiva que sacude às intalaçons públicas municipais, a empresa informou que vai passar todo o serviço de socorrismo a umha empresa alhea a XADE, EXPROADE, mais relacionada cum dos directivos das piscinas municipais. Nom deija de ser quando menos extranha esta prática de “externalizar” serviços numhas instalaçons públicas que ja sairom a concurso e estám presididas polo alcalde de Santiago.

DESPIDEM A OUTRO SOCORRISTA COM A EXCUSA DE “BAIXO RENDIMENTO”

2005-10-19T20:56:00.000+02:00

O gerente de XADE anunciou hoje mércores 19 o despedimento a outro socorrista, Rubem A., que levava trabalhando nas piscinas municipais desde o ano 2001. Este despedimento vem de acrescentar a vaga repressiva que sofrem os trabalhadores/as desde que 23 meses atrás decidiram mobilizar-se para acadar umha melhora salarial e rematar com a precariedade laboral (os últimos contratos realizados para socorristas som dun mes).
O motivo alegado para este despedimento é a ridícula qualificaçom de baixo rendimento contra um trabalhador intachável, que estaba em situaçom de diminuçom de jornada por paternidade, pois acaba de ter um filho. A atitude do gerente, Santiago López Cuadrado, foi a de dier-lhe que “ o sentia” aínda que possivelmente lhe estava a fazer “um favor”.

CELEBROU-SE O JUÍÇO CONTRA O DELEGADO DA CIG POR REPARTO DE PANFLETOS

2005-10-19T17:37:00.000+02:00

O 19 de outubro às 10:45 h. celebrou-se o juíço contra o delegado de persoal da CIG, Francisco Manrique G. R., por repartir panfletos informativos no meio deste conflito laboral. O sindicato considera um intento de limitar os direitos básicos deste trabalhador. A sentência sairá proximamente.

Carta a uns cínicos “prudentes”

2005-10-12T14:44:00.000+02:00

EXHIBIÇOM DESPORTIVA E REIVINDICATIVA O SÁBADO 5 DE NOVEMBRO NA PRAZA VERMELHA

2005-10-12T14:41:00.002+02:00

Como resposta às medidas repressivas por parte da empresa deixando a seis trabalhadores temporais sem emprego, ofertando melhoras individuais a algúns trabalhadores/as co obxecto de romper a unidade sindical e bloqueando as negociaçons laborais retomamos as mobilizaçons. O passado 28 de setembro realizamos um reparto de propaganda na presentaçom da Fundaçom “Compostela Deporte”, logo a ediçom dum jornal de parede e para o sábado 5 de novembro temos programada umha exhibición deportiva e reivindicativa na Praça Vermelha, semellante à que xa fixeramos o pasado 5 de maio, na Alameda de Santiago, à que animamos a asistir a toda a cidadania.

XADE PRESSIONA DEIXANDO A SEIS TRABALHADORES TEMPORAIS SEM EMPREGO

2005-10-10T11:26:00.000+02:00

Em outubro comezou a nova temporada de inverno na que se volve a contratar pessoal. Neste contexto vários trabalhadores que teriam que comezar a sua actividade forom represaliados e perderom o seu posto de trabalho. A algúns dos temporais a direcçom comunicou-lhes a meiados de setembro que volveríam ao seu posto, mais na última semana indicarom-lhes que non renovaban porque a assembleia de trabalhadores rexeitou a proposta da empresa. A vários dos trabalhadores díxose-lhes claramente que nom renovabam por ter participado nas mobilizaçons da primaveira passada.
Concretamente quedarom sem emprego dous socorristas, um deles trabalhando desde o verám do 2003, dous monitores de piscina que realizaram toda a temporada 2004-05, e dous monitores deportivos, um deles na empresa desde o 2003.
O alcalde aínda nom respondeu aos dirigentes dos sindicatos CIG e UXT

CIG E UGT DENUNCIAM A CHANTAGE

2005-09-27T21:49:00.000+02:00

Os sindicatos CIG e UGT denunciam a chantage e ruptura das negociaçons laborais.
Tamém denunciarom a vulneraçom das normas básicas de qualquera negociaçom e emplazarom ao concelho a que se posicione sobre o ultimatum recebido.
Exigiron que se reabra imediatamente a mesa de negociaçom, pois em caso contràrio se retomarám as mobilizaçons e volvera-se a retomar as demandas de março, nas que exigiamos a equiparaçom coas companheiras de limpeza en 12.400 € anuais e so admitiamos umha temporalidade do 10 % do pessoal.
Ademais advertirom que denunciarám qualquera irregularidade que se detecte na empresa.
Os dirigentes da CIG e UGT, acusam ao gerente de XADE de mentir sobre a resposta dos trabalhadores: em julho foi verbal e o 24 de agosto foi-lle entregado por escrito, enviando-se simultaneamente ao Concelho co número de entrada: 40365. Logo en septembro remitiu-se outro escrito co número de entrada em registro: 43382.
Igualmente solicitam ao gerente que deixe de manipular e pressionar aos trabalhadores/as, e lembram que é ilegal a ingerência empresarial na assembleia de trabalhadores por atentar contra a lei 11/85 de liberdade sindical.

RESPOSTA NEGATIVA

2005-09-21T12:59:00.000+02:00

Onte, tras o rexeitamento da assembleia, o conselheiro delegado retirou a proposta da empresa sem indícios de novas negociaçons. Parece que nos empuxam a retomar as mobilizaçons.
Lembro-vos que os trabalhadores/as recebimos máis de 1000 assinaturas de apoio de usuari@s mentres realizavamos diversos tipos de mobilizaçons: manifestaçons, exibiçons desportivas, faixas, reparto de propaganda, gravaçons musicais, doaçóns de sangue, etc.
Trás 22 meses de conflicto laboral a repressom já se cobrou dous despedimentos, contratos nom renovados, várias sançons, juízos, retirada de aulas, censura e diversas pressons sobre os trabalhadores. Nos últimos 7 meses as negociaçons avanzarom, máis a negativa a garantir o posto de trabalho aos companheir@s temporais, dificulta enormemente o acordo.

ASSEMBLEIA

2005-09-15T13:32:00.000+02:00

A assembleia de trabalhadores/as acordou este 15 de setembro:
- Rejeitar a proposta enviada polo Conselheiro Delegado J. L. Hevia a todos @s trabalhadores/as cum ultimatum de assinar antes do 19 de setembro co 80 % votos em contra.
- Dirigir-se ao Conselho de Administraçom de XADE para solicitar que respeitem aos representantes eleitos polos trabalhadores/as e volvam á mesa de negociaçom cos representantes sindicais: o 85% dos votos a favor.
- Exigir ao Conselho de Administraçom de XADE, com o 75% dos votos a favor, que cese a campanha de desprestígio contra o delegado sindical da CIG, com a que pretende agochar o conflito laboral.

NOTA DO SINDICATO CIG

2005-09-13T13:20:00.000+02:00

A CIG ESIGE A XADE QUE CESE A CAMPANHA DE DESPRESTÍGIO CONTRA O DELEGADO DE PESSOAL NO MULTIUSOS E SANTA ISABEL, COM A QUE PRETENDE AGOCHAR AS DEMANDAS LABORAIS

Reclamam à direcçom que atendam à seguridade nas piscinas no canto de caluniar aos trabalhadores, pois poideram estar a incumprir a normativa de seguridade para piscinas de uso colectivo (Dto. 53/1989. Art.21-1 Art.21-3-c) por ter menos socorristas dos que marca a lei durante este veram
A empresa tem por escrito a resposta dos representantes dos trabalhadores/as a sua oferta desde o 24 de agosto com número de registro municipal:40365 , que consideram inaceptável por nom garantir a estabilidade dos trabalhadores en precário
Instam ao alcalde e presidente de XADE a pór os meios para rematar com a situaçom de explotaçom e repressom que se dá no Multiusos e Santa Isabel

JUIÇO ADIADO A0 19 DE OUTUVRO

2005-09-07T13:19:00.000+02:00

O juíço contra o delegado da CIG em XADE polo suposto reparto de propaganda sindical foi adiado a petiçom da empresa e queda fixado para o vindeiro 19 de outubro às 10:45 h.
Tras 21 meses de conflito laboral e prepoténcia da direcçom, a postura dos trabalhadores/as é que nom haverá nengum acordo mentres nom se garanta o posto de trabalho aos companheir@s com contrato temporal em maio e se anulem todas as sançons havidas neste conflito.
Animamos a todas as pessoas solidárias co conflito de XADE a asistir à concentraçom de apoio aos trabalhadores/as esse mesmo dia nas portas do julgado

NOVO JUIÇO

2005-08-21T12:59:00.000+02:00

O vindeiro 7 de setembro está previsto um novo juíço polo suposto reparto de propaganda sindical na empresa. Vam 21 meses de conflito laboral e a direcçom mantém a sua prepoténcia.
Este representante tamém está pendente dum juíço por modificación de horários. Como é sabido umha das reivindicaçons laborais na empresa é que os horários nom se utilicem para reprimir e que se anulem todas as sançons havidas neste conflito.

Animamos a todas as pessoas solidárias co conflito de XADE a asistir a este juíço.

RESPOSTA Á DIRECÇOM DE XADE

2005-08-08T11:25:00.000+02:00

Na última reunióm entre a representaçom da direcçom e dos trabalhadores/as, celebrada a finais do mes de junho, valoramos a proposta que nos fazia a empresa. Ja que o gerente e algum membro do Conselho de Administraçom dim nom ter “constância escrita” da resposta dos respresentantes dos trabalhadores/as, informamos-lhes por escrito das diferências enumeradas máis abaixo e que nom haverá acordo mentres nom se garanta sem ambigüidades a volta dos trabalhadores/as temporais cesados, por orde de antigüidade e cum plano para estabilizar os contratos.

ULTIMA OPORTUNIDADE

2005-08-03T10:51:00.000+02:00

A finais de julho o secretário comarcal da CIG e o seu homólogo da UGT reunirom-se co grupo municipal do BNG para trarar o conflito de XADE, que leva 21 atascado. O Bloque concordou na legitimidade e viabilidade das reivindicaçons laborais, singularmente as GARARNTIAS PARA OS TRABALHADORES/AS TEMPORAIS, e comprometeu-se a mediar co PSOE para que se solucione definitivamente este problema. A resposta do alcalde virá a 6ª feira (venres) 5 de agosto.

JUIÇO DO COMPANHEIRO DESPEDIDO

2005-07-28T22:50:00.000+02:00

O próximo 1 de agosto celebrará-se o juiço ao companheiro despedido Luís P. Nespereira. Será nos juzgados de Santiago e os trabalhadores daremos a reposta acaída.

ASSEMBLEIA EXTRAORDINÁRIA

2005-07-27T22:48:00.000+02:00

A vindeira 5ª feira 28 de julho celebraremos umha assembleia extraordinária para decidir que fazer diante do estancamento das negociaçons laborais, diante da atitude da empresa de nom garantir a volta dos trabalhadores/as temporais. Tamém se tratará como enfrontar o juiço que o companheiro despedido Luís P. Nespereira terá o próximo 1 de agosto.

AS DIFERENZAS PARA O ACORDO EM XADE

2005-07-21T11:24:00.000+02:00

Nos últimos dias a direcçom da empresa volve a marear ao pessoal ponhendo pedras para nom chegar ao acordo laboral, e algumhas graves: na minha opinióm, mentras nom garantam o posto de trabalho dos temporais que rematarom este verám nom ha acordo possível e tem que reactivar-se duramente a loita sindical. As principais diferencias entre nós som:
1- que se garanta sem ambigüidades a volta dos trabalhadores/as temporais cesados, por orde de antigüidade e cum plano de estabilizar o contrato.
2- que o incremento salarial seja em dous anos e nom em 4. (lembrade que cobramos 10.000 € brutos anuais e oferecem-nos +6% em 4 anos)
3- que se dé opçom a ampliar jornada aos trabalhadores a tempo parcial.
4- que se reconheza na jornada laboral a preparaçom de aulas ou adestramentos.
5- que os horários se consensúem e nom se utilicem para reprimir.
6- que se anulem todas as sançons havidas neste conflito.

INTRANSIGÊNCIA DA EMPRESA

2005-07-19T13:32:00.000+02:00

Os directivos de XADE venhem de fazer umha proposta insuficiente aos trabalhadores pois nom garantiza o posto de trabalho aos companheiros/as que trabalharom em XADE e nos tememos o intento de "cribar" arbitrariamente a persoas que tenhem desenvolvido o seu labor com sobrada profisionalidade em benefício desta empresa. Nom imos deixar na estacada a nengum companheiro a cámbio dumha cativa proposta salarial que mantem ao pessoal cuns salários ínfimos mentres os empresários enchem-se os bolsilhos numhas instalaçons de propriedade pública. Tampouco admite a direcçom consensuar horários nem horas para adestramentos ou preparaçom de aulas.

DESPIDEM OUTRA COMPANHEIRA

2005-07-05T13:21:00.000+02:00

A direcçom de XADE vem de despedir a umha companheira socorrista no meio deste conflito laboral que dura já 20 meses cumha nova excusa peregrina. Desde @s trabalhadores/as avisamos que nom imos permitir os abusos da empresa e responderemos a cada provocaçom.

NOVA NEGOCIAÇOM

2005-07-02T13:26:00.000+02:00

Na última reunióm de negociaçom com a direcçom da empresa celebrada o 30 de junho os directivos admitirom avances no tocante a salários, cobertura de baixas de baixas e excedências. No referido à política de estabilidade laboral nom querem garantir o posto aos companheiros/as que tinham trabalhado na empresa, nem garantir adestramentos e preparaçom de aulas nem consensuados.

INTRANSIGÊNCIA CO TRABALHADOR REPRESALIADO

2005-06-24T18:44:00.000+02:00

Hoje celebrou-se a reunióm de conciliaçom entre o companheiro despedido neste conflito laboral, Luís Pego, e a empresa. Nesta reunióm no SMAC os advogados da empresa negarom-se a readmitir a este trabalhador. Anunciamos desde a CIG que formularemos reclamaçom desta decissom e tamém polo acoso moral sofrido por este trabalhador desde o verám passdo, em que foi destituido das suas funçons de coordenador deportivo de XADE, justo quando apoiou explicitamente as reivindicacións laborais dos trabalhadores/as.

DEMANDA E HORÁRIO "CARINHOSO"

2005-06-14T01:01:00.000+02:00

Vem de celebrar-se a mediaçom no SMAC pola sançom imposta ao delegado da CIG por suposto reparto de propaganda e a empresa decidiu nom aceitá-la, co que iremos a juíço. Para complementar este agasalho ao dito delegado sindical cambiam-lhe o horário e, com todo carinho, passam-lhe a umha jornada de 11 h. a 16 h. e de 20 h. a 23 h. Toda umha novidade a jornada partida a socorristas de St. Isabel.
Ouveam, logo cabalgamos.

OFERTA DA EMPRESA

2005-06-03T13:00:00.000+02:00

A direcçom da empresa XADE apresentou esta tarde na mesa de negociaçom umha oferta aos trabalhadores para solucionar o conflito laboral consistente em tres pontos:
1- Incremento salarial consistente em subir um 5 % de salário em cinco anos (aproximandamente 500 € no quinquénio sobre os 10.000 € anuais de hoje). Esta oferta está moi longe da equiparaçom solicitada co servizo de limpeza da empresa, + 2.400 €.
2- Cobertura das baixas co 100 % de salário sempre que nom supere máis dum 10 % a média dos últimos 4 anos.
3- Compromiso de renovaçom do pessoal que já trabalhara na empresa, aínda que sem garantir contratos estáveis (indefinidos ou fixo-discontínuos)

Nom aceitarom tratar a revocaçom do despedimento do companheiro sancionado, co que aí rematou a reunióm.
Realizará-se umha assembleia extraordinária esta noite para valorar a situaçom do companheiro despedido e a oferta patronal.

DOAÇOM DE SANGUE O 9 DE JUNHO

2005-06-02T23:00:00.000+02:00

A vindeira 5ª feira (xoves) 9 de junho, entre às 16 h. e as 21 h., um autocarro do Centro de Transfusións de Galiza estacionará frente ao Multiusos do Sar. O obxectivo será realizar um acto solidário consistente na doaçom de sangue ao servizo galego de saúde. Animamos-vos a tod@s s que recebades esta menssage a participar neste acto e animar a conhecid@s a fazé-lo.

SOLIDARIEDADE COM LUIS

2005-06-02T22:59:00.000+02:00

Comeza umha campanha de apoio ao companheiro despedido para acadar a sua readmissom. Haverá diversas acçons das que iremos dando conta nesta página web.

SMAC O 13 DE JUNHO

2005-06-01T22:58:00.000+02:00

O representante dos trabalhadores pola CIG Francisco Manrique está citado o dia 13 de junho às 9:45 h. no servizo de mediaçom e arbitrage polo recurso da sançom imposta pola suposta distribuiçom de propaganda do conflito laboral de XADE.

DESPEDIMENTO DUM DOS MÁIS DESTACADOS TRABALHADORES

2005-05-31T19:47:00.000+02:00

O delegado sindical pola CIG na empresa XADE, foi informado esta manhá polo gerente do despedimento do trabalhador da secçom deportiva Luís Pego. Desde a CIG recurrirám este despedimento.
Dá-se a coincidência, que os delegados sindiciais entendemos que nom é casual, que o trabalhador perjudicado fora destituído das suas funçóns de coordenador desportivo da empresa o passado verám tras apoiar explícitamente as demandas dos trabalhadores.

CEIA DE USUÁRI@S E TRABALHADORES/AS

2005-05-28T22:57:00.000+02:00

Na noite do 27 de maio celebrou-se umha ceia no restaurante da faculdade de Medicina de Santiago à que acudirom trabalhadores/as e usuários das instalaçons. Ali informou-se da situaçom do conflito laboral, das mobilizaçons previstas e da marge de confianza que lhe dávamos à direcçom da empresa esta fim de semana.

MESA DE NEGOCIAÇOM

2005-05-28T19:45:00.000+02:00

Esta 6ª feira (venres) 28 de maio producíu-se a última mesa de negociaçom na que a empresa afirmou que tinha umha proposta de melhora salarial para os trabalhadores/as sempre que cesaran as mobilizaçons. Os trabalhadores/as responderom lealmente a esta solicitude e anularon várias acçóns previstas; a empresa sem embargo nom explicou a proposta salarial que, segundo informarom alí, estava mediatizada polo interese do concelho em que se soluciona-se urgentemente o conflito de XADE.

SANCIONAN AO REPRESENTANTE POR INFORMAR

2005-05-13T16:26:00.000+02:00

O delegado sindical pola CIG foi sancionado esta manhá polo suposto reparto de panfletos nas instalaçons de Santa Isabel, nos que se informava do conflito laboral que vive a empresa desde há 18 meses.
Concretamente a sançom imposta ao delegado da CIG sustenta-se na frase “atencion usuári@, agora van-nos filmar a tod@s”; esta referência parece proceder da recente instalaçom de cámaras de vídeo-vigiância nas instalaçóns de Santa Isabel para previr possiveis roubos, aínda que o roubo acontecido en XADE ocorreu em janeiro de 2004 e é agora, 17 meses despois e em pleno conflito laboral, quando se instalam cámaras.
Para o delegado sindical esta medida obedece a umha intençom repressiva e de control do pessoal que está a reivindicar melhoras laborais, e nessa linha se explicam as sançons enviadas a diversos companheir@s ultimamente.
Os traballadores informam que entregarám manhá sábado aos representantes do PsdeG-PSOE un escrito con as reivindicacións na empresa no Hotel Porta do Camiño.

RAP DE XADE

2005-05-11T19:02:00.000+02:00

Apresentamos-lhe o rap composto polo grupo "MITO ESCRITO" para contribuír solidariamente à causa dos trabalhadores/as de XADE. Para escoitalo pincha aqui:
RAP XADESOLIDARIEDADE

PROTESTA REIVINDICATIVA NA ALAMEDA DE SANTIAGO

2005-05-08T23:37:00.000+02:00

As trabalhadoras e trabalhadores de XADE realizarom na manhá do dia da Ascenssom um acto lúdico de protesta pola situaçom de precariedade laboral na empresa. O acto reivindicativo, aberto a tod@s os composteláns e no que tamém participarom numerosos usuári@s das instalacións de XADE, consistiu numha exhibición deportiva guiada por monitores.
Os monitores/as intervinherom com a cara cuberta por umha capucha por medo a posíbeis represalias por parte da empresa.
No acto os trabalhadores chamarom a atençom do concelho por nom intervir num conflito laboral que dura já 18 meses. Ademais a empresa está presidida polo alcalde e desenvolve as suas actividades em instalaçons públicas.
Para ver esta notícia nos jornais e as fotos pulsar aquí:
http://www.lavozdegalicia.es/ed_santiago/noticia.jsp?CAT=123&TEXTO=3700343
http://www.elcorreogallego.es/periodico/20050506/Santiago/N308973.asp

A ASSEMBLEIA RATIFICA AS DEMANDAS LABORAIS

2005-05-04T23:41:00.000+02:00

Os trabalhadorese trabalhadoras, reunidos en assembleia às 23:00 h da 4ª feira 4 de maio no Multiusos, ratificarom seguir reclamando as demandas laborais reivindicadas ao lóngo destes meses.

TRAS A NEGATIVA DA EMPRESA: MOBILIZACIÓNS

2005-05-03T01:57:00.000+02:00

Os trabalhadores/as anunciam mobilizaçons ante a intransigéncia da direcçom da empresa, que onte fixo fracasar a última mesa de negociaçom. “Se queredes ese salário metede-vos a trabalhar na limpeza”, foi a resposta da direcçom ante a demanda de equiparaçom salarial com as companheiras deste servizo.
De nada servirom os esforzos dos delegados sindicais por achegar posiçons, pese a ter ajustado à baixa a cifra inicial e propor que o incremento se materializa-se em duas fases, um 50% neste exercício de 2005 e o 100%, até acadar os 12.400 €, em 2006.
A gerência tampouco repostou a cal vai ser o futuro dos máis de vinte contratad@s precàrios que rematan em maio. Tamém se negarom a entregar aos representantes sindicais a documentaçom pendente desde o Conselho de Administraçom celebrado em janeiro.
Na falhida mesa de negociaçom, a gerência suxeriu a possivilidade de melhorar as condiçons económicas dumha parte da plantilha, em concreto dos monitores das salas de gimnásio, deixando fora aos monitores/as de piscina e socorristas, e ao pessoal de mantenimento, num claro intento de dividir aos trabalhadores/as. Com todo, e como é habitual, tampouco neste caso a direcçom pujo nengumha cifra sobre a mesa.

1º de maio = 18 MESES DE PRECARIEDADE

2005-04-28T19:03:00.000+02:00

Os delegados sindicais de XADE, empresa que gestiona o Multiusos de Sar e Santa Isabel, venhen de amosar a sua preocupaçom polos trabalhadores/as em precário solicitando por escrito umha resposta para os máis de vinte trabalhadores/as que rematam o seu contrato em maio. Igualmente os delegados sindicais de X.A.D.E. voltarom a solicitar toda a documentaçom entregada no Conselho de Administraçom de janeiro, assi como o Plano de Formaçom da empresa para o verám e as estatísticas trimestrais de accidentes e baixas laborais.
Segundo informava um diário galego recentemente, a taxa de temporalidade en Galiza está no 34 %, mentres em XADE temos hoje um 43 % de trabalhadores/as temporais. Igualmente se nos comunicava que o salário meio galego, por dados da Agência Tributária, era dos máis baixos do estado: 13.672 € brutos anuais; pois em XADE estamos nos 10.000 €. Todo um modelo a reivindicar no 1º de maio, dia do internacionalismo proletário.

LIBERDADE DE EXPRESSOM TAMPOUCO

2005-04-21T18:08:00.000+02:00

Hoje responsáveis da direcçom da empresa notificárom a umha trabalhadora do Multiusos e ao delegado sindical da CIG umha falta por ponher uns panfletos informativos das demandas laborais dos trabalhadores/as e informar da instalaçom de cámaras para filmar na instalaçom de St. Isabel
Todo isto apelando “a la buena fé que debe regir las relacciones laborales ...” y advertindo “sin perjuicio de las medidas disciplinárias que haya de ser adoptadas”.
Dias atrás notificava no mesmo tono a proibiçom de “hablar por el móvil” ao delegado da CIG, pois fôrom várias as emisoras que o entrevistarom por este meio chamando-o em horário laboral, algo que para nada merma as funçons de socorrismo.
Estas som as respostas a 17 meses de conflito laboral dumha empresa que vai mui bem e uns empresários que nom cedem um cadelo.

MÁIS PRESSOM

2005-04-06T17:30:00.000+02:00

A empresa está a responder ás nossas legítimas demandas adoptando diferentes medidas de pressom sobre os trabalhaddores/as. A úlltima delas em forma de acusaçom a umha companheira por umhas supostas faltas de pontualidade, curiosamente contadas desde novembro e nom notificadas até o 5 de abril. Manifestamos as nossas dúvidas a respeito da veracidade desta acusaçom, dado que esta pessoa acostuma a ser pontual, mas queremos avisar que 70 % destas faltas obedecem a saídas das instalaçons minutos antes das 23 h. e quando já marcharom todos os usuari@s .Por cima enviam esta advertência apoiando-se na boa fé das relaçons laborais e no Estatuto dos Trabalhadores. Nom nos enganamos quando advertimos que as supostas câmaras de segurança usariam-se realmente para controlar @ s trabalhadoras/es.

PINTADAS EM SANTA ISABEL

2005-04-04T17:27:00.000+02:00

Estes dias aparecerom pintadas por volta das instalaçons de Santa Isabel criticando a explotaçom d@s trabalhadores na empresa. É sabido que levamos 17 meses tentando melhorar a situaçom laboral em XADE, mas a direcçom da empresa nom quixo assinar nengum acordo aínda: nem estabilidade laboral dos temporais, nem melhora salarial; nem cobertura a 100% das baixas.

EXTRANHOS PROGRESSOS

2005-03-27T23:08:00.000+02:00

Limos com surpresa os comentários da direcçom nos jornais do Venres Santo afirmando progressos nas negociaçons para sair da precariedade laboral em XADE.

Afirmam os que mandam que nom hai repressom d@s trabalhadores, que se trata de mobilidade funcional, sei que é assi como chamam agora a cruzar de braços á companheira de Administraçom na piscina de Sar.
Afirmam os que mandam que negociar nom é dizer que si a tudo, salvo que seja o que quere a direcçom.
Afirmam os que mandam que hai avances com as baixas e os temporais... notariam-nos já daquela os 25 companheiros que finalizam em maio?
Vaia, oh!, e nós, os delegados sindicais, sem sabermos!
Será que nem Sara nem Santi nem Paco som já delegados sindicais?
Será que, por fim, os xefes conseguirom delegados amarelos para defenderem a sua honra e os seus honoráveis interesses, no canto de defenderem os d@s trabalhadores? Algum voluntário nom lhe havia faltar, mas polo de agora isto é como em Pontevedra: hai que roelo!. Quando a direcçom resolva algum problema dos trabalhadores..., polo menos que assinem os acordos. Aburinho.

A EMPRESA BLOQUEIA AS NEGOCIAÇONS

2005-03-24T23:06:00.000+01:00

XADE mantém blocadas as negociaçons a pesar de os delegados sindicais terem flexibilizado as demandas laborais no apartado salarial para favorecer um acordo. Na última reuniom do 4 de março rebaixarom a sua petiçom salarial ao mesmo salário que cobram as companheiras da limpeza: 12.400 €/ano, o que suporia á empresa aproximadamente 90.000 €, frente aos 13.200 € que reclamavam de início.
Os trabalhadores desta empresa estám a suportar desde hai quatro anos umha situaçom de precariedade laboral, evidenciada num dos salários mais baixos do mercado e a constante utilizaçom de contratos temporais. Nos últimos 16 meses procuraron abrir negociaçons com a empresa para superarem esta situaçom; a maior oferta realizada pola empresa consistia en aumentarem o salário no IPC + 0,5%, o que supunha uns 4 € mais ao mes, para uns salários que se achegam aos 10.000 € e umha percentage, sem concretar, sobre os benefícios. A soluçom á estabilidade laboral dos 25 trabalhadores temporais e as baixas condiciona-se a que haja acordo en matéria salarial.

OUTRO CASO DE PRESSOM

2005-03-21T23:05:00.000+01:00

O último caso até o de hoje afecta á auxiliar administrativa, que foi arbitrariamente transladada da oficina do Multiusos na que realizava as suas funçons desde hai dous anos, á recepçom da piscina do Sar. Neste translado nom se lhe assigna nengumha funçom, já que esse posto está a ser desempenhado por outra trabalhadora que atende a recepçom. Este cámbio vulnera o artigo 41 do Estatuto dos Trabalhadores, que obriga a comunicar mudanças de funçom no posto de trabalho por escrito, explicando as causas, e com um mês de antecipaçom, tanto á afectada como aos seus representantes.
Os delegados sindicais entendem nom ser casual que a trabalhadora prejudicada tenha vinculañçom familiar com o coordenador desportivo, que também foi destituído das suas funçons o passado verám trás ter apoiado explicitamente as demandas dos trabalhadores.
Assi mesmo, mantenhen-se as medidas de pressom sobre vários dos monitores desportivos mais consequentes, que forom substituíd@s nas aulas que atendiam por pessoal traído de fora, a pesar das reiteradas solicitudes dos delegados sindicais e os próprios usuários para serem restituídos nas suas actividades.

MIL ASSINATURAS DE APOIO AOS TRABALHADORES/AS

2005-03-17T23:01:00.000+01:00

Mais de um milhar de usuári@s do Multiusos e Santa Isabel assinarom um escrito no que manifestam o seu apoio aos trabalhadores/as de XADE nas suas demandas de estabilidade laboral, melhora salarial e cobertura das baixas.
Igualmente outro número semelhante de usuári@s das instalaçons de XADE assinarom escritos reclamando a restituiçom imediata dos monitores represaliad@s nas suas aulas, louvando a sua profissionalidade. XADE nom fixo, até o de agora, caso nengum desta demanda e continuou a pressionar os trabalhadores.